🚧🏗️ Page Still Under Construction
מאזני מרמה תועבת ה׳; ואבן שלמה רצונו׃
רָאשׁ עשה כף רמיה; ויד חרוצים תעשיר׃
לה לא תעשו עול במשפט במדה במשקל ובמשורה׃ לו מאזני צדק אבני צדק איפת צדק והין צדק יהיה לכם; אני ה׳ אלקיכם אשר הוצאתי אתכם מארץ מצרים׃ לז ושמרתם את כל חקתי ואת כל משפטי ועשיתם אתם; אני ה׳׃
יג לא יהיה לך בכיסך אבן ואבן; גדולה וקטנה׃ יד לא יהיה לך בביתך איפה ואיפה; גדולה וקטנה׃ טו אבן שלמה וצדק יהיה לך איפה שלמה וצדק יהיה לך למען יאריכו ימיך על האדמה אשר ה׳ אלקיך נתן לך׃ טז כי תועבת ה׳ אלהיך כל עשה אלה; כל עשה עול׃
יז זכור את אשר עשה לך עמלק בדרך בצאתכם ממצרים׃
ב בא זדון ויבא קלון; ואת צנועים חכמה׃
ג תמת ישרים תנחם; וסלף בגדים ישדם׃
ד לא יועיל הון ביום עברה; וצדקה תציל ממות׃
ה צדקת תמים תישר דרכו; וברשעתו יפל רשע׃
ו צדקת ישרים תצילם; ובהות בגדים ילכדו׃
במות אדם רשע תאבד תקוה; ותוחלת אונים אבדה׃
ח צדיק מצרה נחלץ; ויבא רשע תחתיו׃
ט בפה חנף ישחת רעהו; ובדעת צדיקים יחלצו׃
י בטוב צדיקים תעלץ קריה; ובאבד רשעים רנה׃
יא בברכת ישרים תרום קרת; ובפי רשעים תהרס׃
יב בז לרעהו חסר לב; ואיש תבונות יחריש׃
יג הולך רכיל מגלה סוד; ונאמן רוח מכסה דבר׃
יד באין תחבלות יפל עם; ותשועה ברב יועץ׃
טו רע ירוע כי ערב זר; ושנא תקעים בוטח׃
🚧🏗️ Page Still Under Construction