{:style=color:red} 🚧🏗️ Page Still Under Construction {:he} > מאזני מרמה תועבת ה׳; ואבן שלמה רצונו׃ --משלי יא:א {:he} >רָאשׁ עשה כף רמיה; ויד חרוצים תעשיר׃ --משלי י:ד {:he} ><b>לה</b> לא תעשו עול במשפט במדה במשקל ובמשורה׃ <b>לו</b> מאזני צדק אבני צדק איפת צדק והין צדק יהיה לכם; אני ה׳ אלקיכם אשר הוצאתי אתכם מארץ מצרים׃ <b>לז</b> ושמרתם את כל חקתי ואת כל משפטי ועשיתם אתם; אני ה׳׃ --ויקרא פרק יט {:he} ><b>יג</b> לא יהיה לך בכיסך אבן ואבן; גדולה וקטנה׃ <b>יד</b> לא יהיה לך בביתך איפה ואיפה; גדולה וקטנה׃ <b>טו</b> אבן שלמה וצדק יהיה לך איפה שלמה וצדק יהיה לך למען יאריכו ימיך על האדמה אשר ה׳ אלקיך נתן לך׃ <b>טז</b> כי תועבת ה׳ אלהיך כל עשה אלה; כל עשה עול׃ > <b>יז</b> זכור את אשר עשה לך עמלק בדרך בצאתכם ממצרים׃ --דברים פרק כה ---- {:he} ><b>ב</b> בא זדון ויבא קלון; ואת צנועים חכמה׃<br/> <b>ג</b> תמת ישרים תנחם; וסלף בגדים ישדם׃<br/> <b>ד</b> לא יועיל הון ביום עברה; וצדקה תציל ממות׃<br/> <b>ה</b> צדקת תמים תישר דרכו; וברשעתו יפל רשע׃<br/> <b>ו</b> צדקת ישרים תצילם; ובהות בגדים ילכדו׃ --משלי פרק יא {:he} >במות אדם רשע תאבד תקוה; ותוחלת אונים אבדה׃ --משלי יא:ז {:he} ><b>ח</b> צדיק מצרה נחלץ; ויבא רשע תחתיו׃ --משלי פרק יא ---- {:he} ><b>ט</b> בפה חנף ישחת רעהו; ובדעת צדיקים יחלצו׃<br/> <b>י</b> בטוב צדיקים תעלץ קריה; ובאבד רשעים רנה׃<br/> <b>יא</b> בברכת ישרים תרום קרת; ובפי רשעים תהרס׃ --משלי פרק יא ---- {:he} ><b>יב</b> בז לרעהו חסר לב; ואיש תבונות יחריש׃<br/> <b>יג</b> הולך רכיל מגלה סוד; ונאמן רוח מכסה דבר׃ --משלי פרק יא ---- {:he} ><b>יד</b> באין תחבלות יפל עם; ותשועה ברב יועץ׃<br/> <b>טו</b> רע ירוע כי ערב זר; ושנא תקעים בוטח׃ --משלי פרק יא {:style=color:red} 🚧🏗️ Page Still Under Construction